近來公司的事暫緩下來, 其實不是件好事, 但對於我來說也是件好事...
近日早上番工時, 開始覺得秋涼了, 唔知係人老左定番工0既問題, 硬係覺得0的時間過得特別快, 依家已經十月了, 好快又聖誕節, 一到聖誕節就好快到新0既一年, 日復日, 年復年, 雖然過0既日子來來去去都好像重覆一樣, 但其實平凡才是福...
近日硬係心情有種擔擔心心0既感覺, 不知道為什麼? 或者係因為有些事我想盡快攪掂, 自己又好心急, 但唔係樣樣野你自己急, 人地就做比你, 有時覺得自己好似痴痴地, 比著以前0既我一定唔會咁上心, 或者因為我心裡條橡筋實在拉得太緊吧!
心情不好時見到我0的心肝椗真的會開心一點, 聽日係細佬賢0既兩歲生日, 所以星期日一家大細就去左家姐做野間酒店食buffet, 細佬賢雖然學野比哥哥慢, 不過佢有樣野叻過哥哥, 就係戒片, 我記得朗朗差不多三歲先可以真真正正控制自己0的大小二便, 現在細佬已經識同人講去小便, 但講野始終都冇哥哥咁叻, 哥哥語言天份高好多, 不過呢0的都冇得比較, 總知健康就可以了...
